Walo walo.

Hmm.. Otso. Otso. Otso. Anong meron ang Otso? Aba’y ewan ko! Haha. ^_^ NiTAG lang ako ni kuya badoodle eh.. (huwaw, kuya na! haha. ^_^ ngelaman ba? magpapaampon ako eh!) na TinAG nina Admin Chuck, Clare and Pepe.

8 Nutty things about me. Hmm.. Walo walo walo.. Marami rami.. Iba iba eh.

1. Sa tuwing matutulog ako, ang paa ko lagi ang laging pinapahanginan ko ng electric fan. Bakit? Abah! Malay ko. Basta yun ang pinakatrip ko sa tuwing matutulog ako. Tapos pag sobrang lamig naman, kuntento na ako kahit paa ko lang ang makumutan. Hehe. ^_^ Ang paa ko ang sikreto!

2. Muslim ako. Pero maliban sa mga pagkaing Haram (pagkaing pinagbabawal sa mga Muslim), ang CHICKEN FEET and BALUNBALUNAN ang pinaayokong kainin. Ewan, mas gugustuhin ko pang kumain ng sako-sakong ampalaya o kahit 2 tray ng balut or penoy. Di ko sya trip eh. Sa chicken feet kasi eh wala akong makain na taba, puros balat lang. Sa balunbalunan naman, ayoko sya dahil sa akin dati ng adik adik kong kaibigan na “nakakapagpakunat” daw yun ng kwan. Hehe. ^_^ Kaya iwas ako. Ewan ko kung totoo ba yun o gawa-gawa nya lang at isa ako sa mga nauto nya. Hehe. ^_^

3. Kapag naglalakbay ako araw-araw papasok ng PUP, lagi akong masaya kahit hindi naman dapat. Isa sa mga rason kung bakit ako nagiging masaya eh sa dahilang lagi akong may napapansing nakakatuwang bagay sa kung saan saan. Minsan yung simpleng signage lang eh tatawanan ko kung may maaalala lang ako na kunektado sa kung anong nakasulat dun. Kaya nga mas madalas akong mag-isa papasok, takot ata silang sumabay sa isang tulad ko na madalas tumatawa at napapangiti mag-isa.

4. Tirador ako ng kakalat kalat na litrato ng kung sino sino na napupulot ko lang sa daan. Hehe. ^_^ Kung susumatutalin at kung matiyaga akong mag-ipon eh tyak makakabuo na ako ng isang photo album ng mga taong di ko kilala.

5. Noong high school ako, muntik magpakamatay yung kaklase kong babae dahil sa akin. Peksman! Ewan ko kung dahil ba sa kawapuhan ko o dahil sa pang-aasar ko kaya nya nagawa yun. Wahehe. ^_^ Yun ang prueba na totoo talaga ang “pamatay sa kaguwapuhan”.

6. May sayad ako sa pagsusulat. May oras kung kelan ako makakapagsulat ng sobrang tino at ng panahon na walang kakwenta-kwenta ang mga naisusulat ko. Madalas akong dapuan ng katamaran ng pagsusulat pag asa harap ng PC. Di rin naman ako ganun karunong magsulat gamit ang panulat at papel. Wahaha. ^_^

7. Lapitin ako ng disgrasya. Paborito kong tumawid sa “killer hi-way” o commonwealth ave (bandang tandang sora), ewan pero amsarap ng feeling! Parang nakikipagpatintero kay kamatayan. Wahaha. ^_^ Ilang beses na rin akong muntik mahagip ng mga bus o truck, pero hanggang ngayon eh buhay pa din ako. Siguro nga, matagal mamatay ang mga masamang damong tulad ko! Awhii!

8. Mas trip kong manuod ng sine ng mag-isa. Amsarap kasing matulog sa loob ng sinehan. Wahaha. ^_6 Yun ang pinakarason ko kung bakit mas gusto kong manuod mag-isa kesa ng may kasama.

And syempre dapat ipasa sa iba ito di ba? I am tagging the following: AZRAEL, Isagani, Jeangr3y, Jon Cabron, Kengkay, and Gasti.